රට තුළ දිනකට සියදිවි නසාගැනීමේ සිදුවීම් 8ක් පමණ වාර්තා වන බව ශ්‍රී ලංකා වෛද්‍ය සංගමය අනාවරණය කරනවා.

ප්‍රවෘත්ති සාකච්ඡාවක් පවත්වමින් මනෝ විශේෂඥ වෛද්‍යවරු පවසා සිටියේ විෂාදය සහ විවිධ මනෝභාවයන් නිසා දරුවෙකුගේ හැසිරීමේ වෙනසක් ඇත්නම් වහාම වෛද්‍යවරු වෙත යොමුකිරීමට මව්පියන් වගබලා ගත යුතු බවයි.

මෙම අවස්ථාවට එක් වූ ශ්‍රී ලංකා මනෝ වෛද්‍ය සංගමයේ සභාපති වෛද්‍ය සජීවන අමරසිංහ මහතා පවසා සිටියේ සියදිවි නසාගැනීමේ සිදුවීම්වලින් ලංකාව ලොව 21වැනි ස්ථානයේ සිටින බවයි.

කෙසේ නමුත් සියදිවි නසාගැනීමේ ප්‍රවණතාව තවමත් ලංකාවේ ඉහළ අගයක තිබෙන බවද ඔහු වැඩිදුරටත් පැවසුවා.