සංචාරක නවසීලන්ත කණ්ඩායම සමග පැවති එක්දින ක්‍රිකට් තරඟාවලිය දෙකට බින්දුවක් ලෙස ජය ගැනීමට ශ්‍රී ලංකාව ඊයේ සමත් වුණා.

ඒ, ඊයේ පැවති තුන් වන සහ අවසන් එක්දින ක්‍රිකට් තරඟය ජය ගැනීමත් සමගයි.

තරඟයේ ප්‍රථමයෙන් පන්දුවට පහර දුන් නවසීලන්තය පන්දුවාර 21ක් තුළ එක් කඩුල්ලකට ලකුණු 112ක් රැස් කරගෙන සිටියදී දිගින් දිගමට වර්ෂාව ඇද හැළීම හේතුවෙන් තරඟය අතහැර දැමීමට තරග සංවිධායකවරුන් තීරණය කළා.

මෙම තරඟාවලි ජයග්‍රහණයත් සමග ශ්‍රී ලංකාව මේ වසරේදී එක් දින ක්‍රිකට් තරඟාවලි 05ක් ජයගෙන තිබෙනවා.