සංචාරක නවසීලන්ත කණ්ඩායම සහ ශ්‍රී ලංකා කණ්ඩායම අතර දෙවන එක්දින ක්‍රිකට් තරගය පල්ලේකැලේ ක්‍රීඩාංගණයේදී අද (17) පැවැත්වෙනවා.මෙම තරගය අද පස්වරු 2.30ට ආරම්භ වීමට නියමිතය.

ශ්‍රී ලංකා - නවසීලන්ත තරග 3කින් සමන්විත එක්දින ක්‍රිකට් තරගාවලියේ පළමු තරගය ඩක්වර් සහ ලුවිස් න්‍යායට අනුව ලකුණු 45කින් ජය ගැනීමට ශ්‍රී ලංකා කණ්ඩායම සමත් වුණා.

ඒ අනුව තරග 3කින් සමන්විත මෙම තරගාවලියේ මේ වන 1ට බින්දුවක් ලෙස ශ්‍රී ලංකාව පෙරමුණ ගෙන සිටියි.

මෙලෙස නවසීලන්තයට එරෙහිව එක්දින තරගයක් ජය ගත්තේ වසර 9කට පසුවයි.

ශ්‍රී ලංකාව අවසන් වරට නවසීලන්තයට එරෙහිව 2012 වසරේදී එක්දින තරගාවලි ජයක් වාර්තා කිරීමට සමත්කම් දක්වා ඇත්තේ මහේල ජයවර්ධනගේ නායකත්වය යටතේ වන අතර ශ්‍රී ලංකා කණ්ඩායම අද තරගය ජයගතහොත් වසර 12කට පසුව නවසීලන්තයට එරෙහිව එක්දින තරගාවලි ජයක් වාර්තා කිරීමට හැකි වනු ඇති.